Buot lágidemiin galgá vásttolaš lágideaddji. Lágideaddji ovddasvástádus lea árvvoštallat riska, bidjat johtui sihkarvuođadoaimmaid, ja máhttit buollinnjuolggadusaid ja eará áigeguovdilis njuolggadusaid.

Meroštala leago lágideapmi nu stuoris ahte berret čađahit riskaárvvoštallama ja sáddet dieđu politiijaide, buollindoaimmahahkii dahje eará almmolaš etáhtaide. Dat guoská ovdamearkka dihte čuovvovaš oktavuođain

• Stuora lágideamit gosa olles álbmot beassá
• Lágideapmi lea dakkár visttis dahje guovllus, mii minddar adno eará doaimmaide, dahje jus lágideami rámmat rasttidit merrojuvvon rájiid
• Lágideamit gos lea stuorát várra buollát dahje eará sávakeahtes dáhpáhusaid geavvat

Geavat riskaárvvoštallanmálle lágidemiid várás. Váldde oktavuođa sihkarvuođabargiiguin du oahppo- dahje bargosajis jus dárbbašat veahki riskaárvvoštallamii, dahje jus lágideapmi lea nu stuoris dahje dehálaš ahte berret sin váldit fárrui.

Lágideaddji ferte árvvoštallat bidjat johtui sihkarvuođadoaimmaid, dego:

• Oahpaheapmi bargiide, fávttaide ja vuosttašveahkkegearggusvuhtii
• Oažžut duođaštusa eaiggádis ahte teknihkalaš sihkarvuohta lea dohkálaš (buollin ja báhtareapmi)
• Iskat galli olbmui visti lea dohkkehuvvon, geahččat bearrái ahte eai rasttit dan ráji
• Sihkarvuohta gaskaboddosaš rusttegiid ceggemis ja njeaidimis
• Alkoholaguossoheami njuolggadusat
• Iskka oahppo- dahje bargosaji bargovugiid das ahte gosa galgá dieđihit lágidemiid ja VIP-gussiid birra (stáhtaráđiid, gonagaslaš gussiid ja sullasaččaid)

Buohkat geat lágidit galget oahppat báikkálaš buollinnjuolggadusaid.

Iskka: 

• Báhtarangeainnuid, manuála buollindieđihanrusttegiid, heahteuvssaid ja dollačáskkadanreaidduid. Bija muitui gos dat leat ja mot daid galgá atnit
• Dollačáskkadanreaidduid, buollindieđihanrusttegiid, buollindetektoriid ja cirggonrusttegiid ii galgga gokčat iige čoavdit
• Báhtarangeainnut galget leat rahpasat ja dohko galgá beassat
• Uvssaid, mat ieža mannet gitta, ii galgga caggat, dat leat dehálaš buollinbotkkonat bissehan dihte mirkkolaš suova ja dola
• Borgguheapmi ja buot rabas dolat, gintalat, pyroteknihkalaš gálvvut ja girdilámppát eai leat lobálaččat
• Viessodávviriid sirddašeapmi ja reaidduid heiveheapmi sáhttá váikkuhit dasa man galli olbmui latnja dahje báiki lea dohkkehuvvon

Eaiggát dahje láigoheaddji galgá fuolahit:

• Dohkkeheami buot geavahusa várás mii lea viidábut go dábálaš geavaheapmi 
• Teknihkalaš sihkarvuođa
• Eavttuid ja gáržžidemiid visttiid ja báikkiid geavaheamis
• Mearridit galle olbmo sáhttet lobálaččat leat visttis dahje báikkis