Áitta sáhttá leat njálmmálaš dahje aggressiiva dahkku dainna ulbmiliin ahte soaibmat du ja du sihkkarvuođa. Son guhte áitá, dáhttu du badjelgeahččat ja oažžut du doahttalit su guottuid ja gáibádusaid.

Áitit sáhttá njune ovddas, čálalaččat iešguđetlágán digitála mediaid bokte, dahje telefovnna bokte.

Jus áiccat cealkámušaid ja guottuid maid balat sáhttit áitit du dahje earáid sihkarvuođa: Dieđit!

Áitindáhpáhusat

Jus vásihat uhkideaddji dilálašvuođa – guođe báikki jus sáhtát. Viega báhtui.

Jus it sáhte guođđit báikki, de ale dirát, geahččal hupmat ja láhttet nu ahte dilli ráfu.  Riidováidudeaddji gulahallama iskanlisttus oaččut rávvagiid ja ráđiid mot berret láhttet.

Áitagat digitála mediaid bokte

Jus oaččut áitagiid sosiála mediain dahje e-poasttas, de lea dehálaš ahte don duođaštat áitaga fáktádieđuid. Áitagiid vuostáiváldima iskanlisttus leat rávvagat makkár dieđuid berret duođaštit.

Áitagat telefovnna bokte

Jus áitojuvvot telefovnna bokte, de ale botke ságastallama, ja čále áitaga sisdoalu ja visot mii sáhttá identifiseret su gii áitá. Áitagiid vuostáiváldima iskanlisttus leat rávvagat makkár dieđuid berret duođaštit.

Jus barggat vuosttašlinnjás, de lea earenoamáš dehálaš ahte dieđát mot galggat gieđahallat áitagiid telefovnna bokte. Čálit áitagiid vuostáiváldima iskanlisttu ja vurke dan sadjagasas lahka telefovnna.

Áitagiid ja uhkideaddji dilálašvuođaid galgá

• dieđihit oahppo- dahje bargobáikái, sii veahkehit váidit politiijaide
• dieđihit sávakeahtes dáhpáhussan (spiehkasteapmi)