Riskaárvvoštallamis don almmustahtát vejolaš sávakeahtes dáhpáhusaid, vai máhtát bidjat doaimmaid johtui eastadan dihte dáhpáhusaid, ja ráhkkanahtát iežat diehtit maid galgá bargat jus dattetge dáhpáhuvvá.

Riskka berre árvvoštallat go pláne juoidá mii sáhttá leat várálaš, dahje jus hálddaša juoidá mávssolačča.

Jeara alddát: Mii lea mávssolaš? – munnje, oahppo- dahje bargobáikái, ovttaskasolbmui dahje ovttasbargoustibiidda. Mii mus lea mii ii ábut billahuvvat, cuovkanit, suoláduvvot dahje boastut geavahuvvot?

Don sáhtát álkit árvvoštallat várálašvuođaid golmmain gažaldagain

• Mii sáhttá mannat boastut?
• Maid sáhttit dahkat eastadan dihte dan?
• Jus dattetge dáhpáhuvvá, maid sáhttit dahkat unnidan dihte váikkuhusaid?

Árvvoštala riska ovdamearkka dihte go:

• Barggat bargguid mat sáhttet leat várálaččat (lab, bádji, klinihkka)
• Gieđahalat persondieđuid dahje dieđuid mat gáibidit nanu čiegusvuođa
• Stuora dahje nággobohciideaddji lágidemiin
• Mátkkiid, ekskuršuvnnaid, gieddebargguid dahje mearramátkkiid oktavuođas mat sáhttet leat várálaččat
• Organisašuvnna dahje vuogádagaid rievdadit, mii sáhttá váikkuhit sihkarvuhtii

Riskagieđahallan

Go riskaárvvoštallan lea dahkkon, de lea hui dehálaš hálddašit sávakeahtes dáhpáhusaid riskkaid. Gávdnojit máŋga vuogi mot hálddašit riskkaid:

• Bidjat johtui doaimmaid mat unnidit vejolašvuođa dahje váikkuhusa, ja dan bokte unnidit riska
• Dohkkehit riska nugo dat lea
• Ráhkadit dáhkádusa dahje sullasačča ja dan bokte sirdit riska earáide
• Šluhttet várálaš doaimma ja dan bokte garvit riska